Lajmin e ka bërë të ditur shefja e Grupit Parlamentar të Vetëvendosjes, Mimoza Kusari-Lila, e cila theksoi se bëhet fjalë për një lëndim fizik në këmbën e kryeparlamentarit.
“Prej sot e dhjetë ditë tjera kryetari i Kuvendit nuk do të jetë në vendin e tij të punës për arsye shëndetësore. Kryetari ka pasur një lëndim fizik mbrëmë dhe për këtë arsye me rekomandimin e mjekut duhet të qëndroj në shtëpi”, ka thënë ajo.
Në vend të tij, mbledhjen e sotme e ka drejtuar nënkryetarja e Kuvendit, Saranda Bogujevci.
Shefi i Kabinetit të Konjufcës, Ilir Kërçeli, ka shkruar në llogarinë e tij në Facebook se kryeparlamentari është trajtuar në QKUK.
“Kryetari Konjufca është trajtuar në QKUK dhe me këtë rast falenderojmë stafin e mrekullueshëm të doktorëve”, ka shkruar Kërçeli. /teve1.info.
