Ministri Murati ka thënë për KosovaPress se sa i përket pagave për grevistët do të zbatojnë ligjin përkatës.
“Do ta zbatojmë ligjin sa i përket pagave për grevistët”, ka thënë shkurt Murati.
Qeveria e Kosovës ka paralajmëruar se nuk do të ketë paga për punëtorët e shërbimit civil për ditët sa kanë qëndruar në grevë. Një gjë e tillë është kundërshtuar nga SBASHK-u të cilët i kanë dhënë afat Qeverisë të ekzekutojë pagat për të gjithë punëtorët e arsimit më së largu deri më 5 tetor.
Nga SBASHK-u kanë theksuar se një gjë e tillë nuk ndodh atëherë situata do të përkeqësohet.
Në anën tjetër, shefi i grupit parlamentar të PDK-së, Abelard Tahiri ka thënë se nëse nuk ekzekutohen pagat brenda pesë ditëve do të dorëzojnë kallëzim penal ndaj ministrit Hekuran Murati.
