Club Brugge dhe Atletico Madrid takohen sot në kuadër të Ligës së Kampionëve. Dy skuadrat sot zhvillojnë ndeshjen në stadiumin “Jan Breydel Stadion” nga ora 21:00, për ndeshjen e raundit të tretë të fazës grupore në Ligën e Kampionëve.
Skuadra belge i ka fituar të dyja ndeshjet e para ndaj Bayer Leverkusen dhe Porto, ndërsa ka për qëllim të vazhdojë me rezultate pozitive. Ndërkohë, Los Rojiblancos kanë një fitore dhe një humbje, andaj kanë për qëllim që të marrin pikë të plota.
Futbollistët që do të zbresin në fushë nga minuta e parë janë zgjedhur nga trajnerët Carl Hoefkens dhe Diego Simeone.
Formacioni startues i Club Brugge: Mignolet; Odoi, Mechele, Sylla, Buchanan; Nielsen, Onyedika, Vanaken; Meijer, Jutgla, Sowah.
Formacioni startues i Atletico Madridit: Oblak; Molina, Savic, Gimenez, Reinildo; Marcos Llorente, Witsel, Koke, Carrasco; Morata, Griezmann.