Haradinaj ka thënë se zhvillimet politike, ekonomike dhe sociale në Kosovë asnjëherë nuk kanë qenë më të dëmshme për Kosovën sesa sot, shkruan teve1.info
Sipas tij, vendimet e Qeverisë janë të orientuara kundër interesave të qytetarëve.
Haradinaj përmendi edhe penalizmin e rreth 20 mijë mësimdhënësve për paga, teksa tha se AAK-ja është e shqetësuar me këtë gjendje ashtu siç e quan ai “e pashpresë” duke kërkuar zgjidhje urgjente.
“Zhvillimet politike ekonomike sociale në Kosovë nuk kanë qenë asnjëherë më të dëmshme për vendin se sa sot. Çdo vendim i qeverisë është orientuar kundër interesave të qytetarëve e shembulli më eklatant i kësaj është penalizmi i rreth 20 mijë mësimdhënësve duke mos u dhënë pagat. Aleanca është e shqetësuar me këtë gjendje të pashpresë e cila kërkon zgjidhje urgjente”, ka shkruar Haradinaj.
“Në këtë frymë sot kishim një diskutim pune për dështimet e kësaj qeverie, dhe për zgjidhjet e duhura që të përfshihen në planin qeverisës të Aleancës, të cilin do ta diskutojmë nesër në Kryesinë e partisë”, shtoi ai.
