Seleksionuesi i Kosovës, Alain Giresse, ka thënë se nuk është duke menduar për dorëheqje.
I pyetur nga gazetarët nëse do të dorëhiqet në rast të humbjes të martën në “Fadil Vokrri” në Prishtinë ndaj Qipros, Giresse, ka thënë se trajnerët nuk mendojnë për dorëheqje e as për humbje.
“A po mendon që shumë trajnerë i përgatisin dorëheqjet e tyre. Fillimisht asnjë trajner nuk mendon as për humbje”, ka thënë Giresse.
Ai po ashtu ka thënë se nuk e di saktësisht përbërjen e tij, siç nuk e dinte as para ndeshjes me Irlandën e Veriut, për shkak të situatës me mbrojtësin Amir Rrahmani. Tekniku francez është pyetur edhe rreth futbollistëve të Ballkanit, Lindon Emërllahut dhe Lumbardh Dellovën që janë ftuar nga ai për dy ndeshjet e shtatorit.
Giresse thotë për të parin se nuk ka treguar cilësitë te U21-shat.
“Ka edhe lojtarë të tjerë që nuk luajnë jo vetëm ata të Ballkanit. Janë vetëm dy lojtarë të Ballkanit dhe jo tre. Emërllahu nuk i ka treguar cilësi shumë të mira me U21-shat e Kosovës dhe është hap i madh për të të luajë në Kombëtare. Dellova mund të luajë si anësor dhe qendërmbrojtës por trajneri bën përzgjedhjen”, tha Giresse në konferencë për media.
Kosova zë vendin e dytë me gjashtë pikë, kurse Qipro ka një pikë më pak në vendin e katërt. Greqia është e para me 12 pikë, ndërsa Irlanda e Veriut ka pesë pikë në vendin e tretë.
