Juventus është aktualisht në një krizë të thellë rezultatesh në Serie A, por edhe në Ligën e Kampionëve. Zonja e vjetër ka të fituar vetëm një nga shtatë ndeshje të zhvilluara në Seria A. Kjo ka bërë që për momentin torinezët renditen në vendin e tetë.
Në një situatë të tillë në Itali po flitet për largimin e Allegrit dhe marrjen e drejtimit të stolit nga Conte.
Megjithatë tashmë mediet italiane raportojnë se Juve dëshiron të forcohet shpejt në pozicionin e mbrojtësit të majtë. Kandidati kryesor për këtë pozicion duket se është ish-ylli i Bayern, Juan Bernat.
Duke qenë se kontrata e Alex Sandro skadon në fund të sezonit, te Juve tashmë janë duke kërkuar një alternativë adekuate.
Bernat thuhet se është një nga kandidatët e duhur, dhe Paris Saint-Germain pritet ta nxjerrë në shitje.
Palët kanë kontratë deri në 2025-ën, megjithatë atje mbrojtësi nuk ka minutazh për të luajtur.
