Abdixhiku në seancën e parë të sesionit vjeshtor të Kuvendit theksoi se greva është një emergjencë kombëtare që duhet ngritur alarme e që sipas tij kjo emergjencë kërkon dialog e kompromis.
“Jemi në javën e tretë të grevës së gjithëmbarshme në arsim rreth 25 mijë mësimdhënës janë në grevë ndërkaq rreth 380 mijë nxënës tash e tre javë nuk vijojnë mësimin të kesh 380 fëmijë e 25 mijë mësimdhënës jashtë sistemit arsimor është emergjencë kombëtare, të kesh familje kosovare gjithandej Kosovës që nuk organizojnë dot përditshmërinë e tyre meqenëse nuk kanë ku ti lënë fëmijët sot është emergjencë kombëtare, emergjencë që duhet ngritë alarme e duhet sjell vendimmarrje, kjo emergjencë kërkon para së gjithash dialog dhe nga dialogu kompromis”, deklaroi ai.
Abdixhiku tha se sot nuk ka gjë më të rëndësishme sesa të flasësh me mësimdhënësit për ta gjetur një zgjidhje që të ndërprehet greva, teksa ka shtuar se kryeministri Kurti ka zgjedhur polarizimin duke komunikuar në distancë me ta.
“Sot nuk ka gjë më të rëndësishme sesa të flasësh me ta e për ta ta gjesh një zgjidhje, kryeministri megjithatë ka zgjedhur një rrugë tjetër, ai ka zgjedhur polarizimin, fillimisht duke komunikuar në distancë me ta e më pas duke lëshuar fletërrufe nga ideologët partiak që përfaqësuesit sindikal me të cilët përndryshe bashkëpuntote vet sa ishte në opozitë i portretizon merrëni me mend si shërbëtorë të Serbisë, mësimdhënësit si analfabet e kundërshtarët politik në opozitë, komuna, media e kundërshtarë të padukshëm si organizatorë të grevave me qëllim të rrëzimit të Qeverisë”, u shpreh Abdixhiku.
Tutje Abdixhiku deklaroi se për LDK-në përgjegjës për krizën në Kosovë është kryeministri i Kosovës, Albin Kurti.
“Për lidhjen demokratike të Kosovës përgjegjës i vetëm për këtë krizë ka adresë në Qeveri ai është kryeministri i vendit, i takon atij të dialogoj të flas e të dëgjoj edhe me ata që nuk pajtohet e sidomos me ata që s’pajtohet”, tha i pari i LDK-së.
Kreu i LDK-së tha se sot ka nevojë për kompromis që fëmijët të kthehen në shkolla.
“Sot kemi nevojë për kompromis me njerëzit tanë që fëmijët të kthehen në proces të rregullt mësimor “, shtoi ai.
Abdixhiku përmendi edhe reduktimet e energjisë elektrike, ku tha se reduktimet nuk kanë të bëjnë fare me krizën e proklamuar globale, teksa shtoi se ajo krizë do të vijë dimrit.
Ndërsa shtoi se reduktimet e energjisë në mesë të verës kanë ndodhur për shkak se Qeveria ka dështuar t’i riparoj blloqet me kohë.
“Reduktimet e energjisë elektrike në mesë të verës nuk kanë të bëjnë fare me krizën e proklamuar me krizën globale, ajo krizë do të na vjen gjatë dimrit, ne verës në mes të gushtit nuk kemi energji sepse kapacitett tona prodhuese ishin jo funksionale sepse qeveria jonë kishte dështuar t’i riparoj blloqet me kohë”, deklaroi Abdixhiku./teve1.info
