Nga Obiliqi, u ndal për tu furnizuar me naftë në Fushë Kosovë.
Por, me 10 euro, Ibrahim Maloku qytetar nga Obiliqi nuk i mori as 6 litra naftë.
Kjo pasi çmimi i kësaj lënde djegëse të mërkurën në Kosovë ishte 1,68 cent.
“Shtrejt o për standard të Kosovës”, tha Maloku
Ky çmim edhe gjatë shtatorit po përcaktohet nga Ministria e Industrisë.
Por, ani pse çmimi i derivateve ditëve të fundit ka rënë për disa centë, po shihet i lartë edhe nga mërgimtarët që jetojnë në Zvicër.
Bislim Gashi, mërgimtar nga Zvicra ka thënë se është i lartë çmimi për standard të Kosovës.
Vetëm dy javë më parë nafta dhe benzina, ishin 11 cent me shtrenjtë.
Prandaj caktimi i çmimeve tavan nga shteti, sipas ekspertëve të ekonomisë po jep rezultat.
Besnik Avdijaj, ekspert i Ekonomisë ka thënë se çmimi tavan që po vendoset ka efekt deri diku.
Por, sipas një eksperti tjetër të ekonomisë, ka edhe metoda të tjera për përcaktimin e çmimit të derivateve.
“Më e mira në ekonominë e tregut, është përqindja, pra caktohet përqindja e fitimit prej 5 apo 10%”, ka thënë eksperti i Ekonomisë, Mustafë Kadriaj.
Ndërkohë nga Shoqata e naftëtarëve, nuk e kanë komentuar uljen e çmimeve të naftës vetëm kur ato i përcakton ministria e tregtisë.
Por kanë përsëritur se kosovarët po shërbehen me ndër çmimet me të lira në rajon.
Fadil Berjani, kryetar i Shoqatës së Naftëtarëve ka thënë se çmimet që po përcakton ministria janë duke u respektuar.
“Derivatet e naftës janë në rënie në tregjet ndërkombëtare dhe kjo po reflekton edhe tek ne në Kosovë. Çmimet që po i përcakton ministria janë duke u respektuar dhe qytetarët e Republikës së Kosovës janë duke u shërbyer me çmimet më të lira në regjion, përveç Maqedonisë së Veriut e cika e ka akcizën më të ulët në diesel”, ka thënë ai.
Ndryshe, çmimet derivateve në muajin korrik, për një muaj u zbritën për afër 30 cent.
Kjo pasi edhe atë muaj, shteti ndërhyri për përcaktimin e çmimeve tavan për derivate.
Kronika e realizuar nga gazetari Fidan Zejnullahu
