22- vjeçari, Amir Zhegrova nga fshati Sibofc i Komunës së Podujevës nuk mundi t’i përballonte plagët e rënda, të cilat ia shkaktoi një person pas një mosmarrëveshje në komunikacion, një ditë më parë.
Ngjarja tragjike ndodhi jo shumë larg shtëpisë ku edhe banonte i ndjeri.
Familjarët e viktimës rrëfejnë për TËVË1 se si ka ndodhur rasti.
Ai thotë se pak para se Amiri të ndërronte jetë, kishte thënë se nuk e njihte personin që e sulmoi.
Gjendja shëndetësore e 22 vjeçarit ishte e rëndë. Me gjithë intervenimin e stafit mjekësor në QKUK, ai nuk u bëri ballë plagëve që mori.
Lidhur me rastin në fjalë, detaje kanë dhënë edhe nga Policia e Kosovës.
“Lëndime të rënda trupore ka pësuar viktima mashkull kosovar pasi i njëjti dyshohet se pas një mosmarrëveshje në trafik, është goditur me thikë nga një person i dyshuar mashkull i panjohur për të. Viktima është dërguar në tretman mjekësorë në QKUK, por nuk ka arritur t’iu mbijetoj lëndimeve të shkaktuara dhe ka ndërruar jetë. Me urdhër të prokurorit, trupi i pa jetë i viktimës është dërguar në IML për obduksion. Rasti është duke u hetuar nga njësitet kompetente policore”, njofton Policia e Kosovës.
Familja e ngushtë e të ndjerit, prindërit, 4 motrat dhe i vëllai e kanë përjetuar rëndë situatën dhe janë në gjendje të rëndë emocionale.
Kronika e realizuar nga Valëza Sylejmani
