Përmes një postimi në Facebook Mehaj ka publikuar disa fotografi ku shihen policia ushtarake kosovare e gjermane.
Mehaj ka thënë se ky trajnim u realizua në vazhdën e partneritetit të ngushtë dhe planit të bashkëpunimit bilateral ushtarak në mes forcave të dy vendeve, shkruan teve1.info
“Policia ushtarake gjermane trajnon policinë tonë ushtarake në shkathtësitë e mbrojtje së afërt. Trajnimi njëjavor i ka mundësuar policëve tanë ushtarak që të ngritin nivelin e përgatitjes në taktikat dhe teknikat e mbrojtjes së afërt të personave shumë të rëndësishëm (VIP).Ky trajnim u realizua në vazhdën e partneritetit të ngushtë dhe planit të bashkëpunimin bilateral ushtarak në mes forcave të dy vendeve tona”, ka shkruar Mehaj
Tutje Mehaj ka shprehur mirënjohje e falënderim për Ministrinë e Mbrojtjes dhe Forcave të Armatosura të Gjermanisë.
