Haxhiu në një konferencë për media tha se që nga marrja e detyrës si ministre nga zyrtar të ndryshëm kanë pranuar informata të ndryshme lidhur me përfshirjen e personave përgjegjës në këtë rast.
“Me pesë nëntor të vitit 2016 në rrethana ende të pasqaruara ka ndërruar jetë Astrit Dehari lidhur me këtë gjatë kësaj kohe që nga marrja e detyrës nga zyrtarë të ndryshëm kemi pranuar informata të ndryshme lidhur me përfshirjen e personave përgjegjës në këtë rast, për të sqaruar zbatimin e procedurave brenda Shërbimit Korrektues të Kosovës nëse zyrtarët përgjegjës kanë zbatuar përgjegjësitë e tyre me përputhje me legjesliacionin në fuqi kam kërkuar inspektim dhe duke e pasur parsysh ndjeshmërinë e këtij rasti dhe rëndësinë për njoftim të qytetarëve në raport me këtë më lejoni që sot ti adresojë gjetjet e inspektoratit të Ministrisë së Drejtësisë”, tha Haxhiu
Haxhiu ka thënë se të gjeturat e raportit jepin dyshime se rasti ka pasur tendenca të manipulohet.
“Raporti adreson këto shkelje: Marrja dhe posedimi i incizimit të kamerave me aprovim të ish-drejtorit të Qendrës së Paraburgimit në Prizren, Destan Zogaj te zyrtarët Ylber Topalli, Urim Buleshkaj dhe anëtarë nga Komisioni i SHKK-së, përbën shkelje të legjislacionit penal dhe legjislacionin përkatës për mbrojtjen e të dhënave. Incizimet e kamerave të sigurisë nga kryeinspektori i MD-së dhe zyrtarët e SHKK janë marrë para se ato ti merrte polica, pra nga data 5 kur ka ndodhur rasti dhe data 6,7 nëntor 2016. Është e çuditshme që zyrtarët e SHKK dhe kryeinspektori i MD-së kanë marrë incizimet e kamerave para policisë. Sipas legjislacionit në fuqi në rast të ndonjë veprimi me natyrës penale autoriteti kompetent për marrjen e incizimeve është policia”, ka thënë Haxhiu.
“Është e rëndësishme të theksohet se incizimet e kamerave të sigurisë nga kryeinspektori i Ministrisë së Drejtësisë dhe zyrtarët e Shërbimit Korrektues të Kosovës janë marrë para se ato ti merte Policia, pra nga data 5 kur ka ndodhur rasti dhe data 6, 7 nëntor të vitit 2016, pra është e çuditshme se si zyrtarët korrektues dhe kryeinspektori i MD-së kanë marrë pamjet e kamerave të sigurisë para organeve të ndjekjes”, shtoi ajo./teve1.info
