Tutje, ajo u shpreh se ka shpresuar që situata e energjisë në veri të vendit do të përafrohet në momentin kur është nënshkruar zbatimi i marrëveshjes mes Kosovës dhe Serbisë.
“Çështja e reduktimeve të energjisë elektrike, ka ndodhur për shkak të furnizimit që ne e kemi nga KEK-u, e që në veri rryma e cila është shpenzuar, është tërhequr nga rrjeti elektroenergjetik i Evropës. Procesi i energjisë është shumë kompleks, të gjitha palët e përfshira e kanë kuptuar situatën. Afati deri më 29 shtator është kur bëhen 100 ditë dhe atëherë duhet një vendim tjetër për serbët në veri. Do të jetë një periudhë kohore në të cilën përfshirja e Bashkimit Evropian do jetë e pashmangshme. Sipas informacioneve, edhe Sekretariati i Energjisë zyrtarisht ka hapur rast ndaj Serbisë në raport me shkeljet të cilat i bëjnë. Unë kam menduar se situata me energji do të përafrohet në momentin kur është nënshkruar, e kjo në raport me Bashkimin Evropian, nuk ka të bëjë aspak me besimin në Serbi”, deklaroi Kusari-Lila në emisionin “Këndi i Debatit”.
Kujtojmë se Kosova dhe Serbia, kanë miratuar udhërrëfyesin për zbatimin e marrëveshjeve të energjisë.
Qytetarët serbë kanë mendime të ndryshme sa i përket marrëveshjes për energjinë së arritur në Bruksel. Një pjesë e tyre pajtohen t’i paguajnë shërbimet e rrymës, ndërsa të tjerët thonë se janë të varfër.
