Makshana në emisoni “Ditari”, Tëvë1, theksoi se sa i përket rastit në fjalë nuk janë marrë të gjitha veprimet e nevojshme procedurale të cilat sipas tij, do të mbronin jetën dhe integritetin e të dëmtuares.
“Nuk janë ndërrmarë të gjitha veprimet procedurale të cilat do të duhej të merreshin që nga fillimi kur është paraqitur ky rast. Pra e kemi rastin e parë që ka ndodhur në qershor dhe ka kaluar gati përafërsisht një muaj që kur e dëmtuara është deklaruar para prokurorisë. Pra në rastin konkret nëse do të merreshin te gjitha veprimet e nevojshme atëherë do të mbrohej edhe jeta apo integriteti i të dëmtuarës tani”, tha ai.
Teksa shtoi se neglizhenca e këtyre rasteve është theksuar edhe në raportet e bëra nga IKD-ja, e që sipas tij, kjo tregon edhe dështimin e Prokurorisë.
“Pra kemi neglizhencë në trajtimin e këtyre rasteve dhe kjo neglizhencë është theksuar edhe në raportet tona. Ne në vitin 2021 kemi bërë një raport lidhur me trajtimin e veprave penale kundër integritetit seksual dhe kemi parë që këto vepra penale nuk trajtohen me seriozitet nga ana e Prokurorisë dhe Gjyqësorit për shkak se rasti i fundit e paraqet më së miri dështimin e prokurorisë”, shtoi ai./teve1.info./
