Përmes kësaj letre ata i kanë bërë thirrje Vuçiqit që të tregojë “vendosmërinë dhe gatishmërinë maksimale” për të marrë vendime të vështira të cilat çojnë në progres në dialogun ndërmjet Kosovës dhe Serbisë, nën patronazhin e BE-së, raporton Tanjug Transmeton teve1.info.
“Ne jemi të bindur se, në dritën e agresionit rus kundër Ukrainës, ne duhet të bëjmë përpjekje më të forta në mënyrë që perspektiva evropiane e vendeve të Ballkanit Perëndimor të bëhet realitet dhe për të zgjidhur mosmarrëveshjet afatgjata dypalëshe dhe rajonale. Normalizimi i marrëdhënieve ndërmjet Kosovës dhe Serbisë është thelbësor për rajonin”, theksojnë kancelari gjermane dhe presidenti francez.
“Tensionet e fundit kanë treguar se nevoiten hapa konstruktivë, si në nivel praktik ashtu edhe në atë politik. Prandaj, ne caktuam këshilltarët tanë për politikën e jashtme dhe të sigurisë, Jens Pletner dhe Emanuel Bono, që t’i ofrojnë mbështetje të drejtpërdrejtë Miroslav Lajçakut në përpjekjet e tij. Ne sugjerojmë që këshilltarët tanë, së bashku me Lajcak, të vizitojnë Kosovën dhe Serbinë, për të shqyrtuar mundësitë për të ecur përpara shpejt procesin”, kanë thënë Soltz dhe Macron në letrën e tyre drejtuar Vuçiqit.
