Ndërron jetë 7-vjeçari pas kontaktit me rrymë në Gjakovë

Lajmin për teve1.info e ka konfirmuar zëdhënësi i Policisë së Gjakovës, Sheremet Elezaj.

“Me datën 21.08.2022 rreth orës 19:20 nga Spitali Rajonal në Gjakovë është pranuar informacion se viktima, mashkull i lindur në vitin 2015, i cili ishte duke u trajtuar në spital si pasojë e kontaktit me energji elektrike, kishte ndërruar jetë”, ka thënë ai.

Elezaj tha se trupi i pa jetë i viktimës është dërguar për obduksion.

“Njësitet relevante të policisë janë duke e trajtuar rastin si dhe është njoftuar Prokurori i Shtetit me vendimin e të cilit është iniciuar rast “Hetim i vdekjes”, ndërsa trupi i pa jetë i viktimës dërgohet për obduksion”, tha Eleaj për teve1.info