Në pikën kufitare në Bërnjak të mërkurën kanë qëndruar ekipe të KFORIT, të cilët prapa kamerës i kanë thënë televizionit se situata gjatë gjithë ditës ka qenë e qetë.
Këta po përkujdesën që situata në veri të vendit të qëndrojë e qetë.
Kjo kur kanë mbetur edhe dy javë, nga hyrja në fuqi e zbatimit të vendimit për targa dhe dokumentet hyrje dalje.
Madje, nga KFOR kanë thënë se janë të gatshëm të ndërhyjnë, nëse është e nevojshme.
“Dëshirojmë t’i sigurojmë të gjithë se KFOR-i është i gatshëm të ndërhyjë nëse është e nevojshme. Për të kryer detyrat e veta, KFOR-i mban një qëndrim të dukshëm dhe të shkathët në terren”, thuhet nw përgjigjen e KFOR-it.
Ndërkohë, prezencë e shtuar e KFOR-it të mërkurën u pa edhe në Zubin Potok.
Raporti i gazetarit Fidan Zejnullahu.