Dibran Hoxha, nga kjo organizatë, kërkoi që të mos lejohet avancimi i profesorëve të Fakultetit të Edukimit Fizik dhe Sportit të cilët janë shpallur plagjiatorë nga Këshilli i Etikës.
Sipas tij, profesorëve po u shqiptohet dënim qesharak për mosmentorim të diplomave.
“Gjatë vitit 2022 ORCA ka vërtetuar 7 plagjiatorë. Ardian Kastrati deputet në Kuvendin e Republikës, Bujar Dugolli senator në UP, 1 muaj më parë. Ndërkaq sot, këtyre iu bashkohen edhe 5 të tjerë, përfshirë dekanin e Fakultetit të Sporteve Musa Selimi, profesorin Bylbyl Sokoli, profesori Ajvaz Berisha, profesori Hazir Salihu dhe profesori Afrim Koca”, tha Hoxha.
ORCA ka kërkuar që në varësi të rasteve, që plagjiatorët ose të përjashtohen dhe t’u merren titujt aktualë kur ata e kanë mashtruar universitetin, ose të merren masa si moslejim i avancimeve kur ata nuk kanë arritur që mashtrimin ta çojnë deri në fund.
Ndërkaq, ka përsëritur kërkesën për vetting në arsim.
