Klubi i basketbollit Peja ende nuk ka zyrtarizuar asnjë lojtar të huaj për edicionin e ri të garave . Sipas burimeve të Tëvë1 basketbollistët e huaj do të zbulohen në ditët në vijim.
Një nga lojtarët që po përflitet është Rodney Purvis, lojtari që tregoi paraqitje fantastike në pjesën e dytë të stinorit në fanellën e Trepçës.
Amerikani iu bashkua “Xehtarëve” në stinorin pranveror, ku nuk i është nevojitur shumë kohë për tu shndërruar në yll të ekipit nga Minatori.
Me Trepçën fitoi Kupën e Kosovës derisa arriti edhe në finale të play off-it. Sipas burimeve të Tëve1 Purvis është shumë afër kalimit te skuadra qe e eliminoi në gjysmë finale, pra te KB Peja ku janë në bisedime të avancuara të dy palët.
Purvis përveç përvojës së dëshmuar në Superligën e Kosovës është i dëshmuar, dhe në ligën më të fortë të basketbollit nē planet, NBA.
Fundori ka filluar rrugëtimin e tij të NBA pa draft në ekipin e Utah Jazz në ligën verore të vitit 2017. 28 vjeçari në ndeshjen zyrtare të bërë me Orlando Magic në stinorin 2017-2018, u paraqit në 16 ndeshje dhe shënoi mesatarisht 6 pikë, 1.7 kërcime dhe 1.1 asist për ndeshje.
Pas karrierës në NBA ai vazhdoi në Evropë tek ekipa Izraelite, Hapoel Tel Aviv dhe në Serie A tek ekipi i Cantun në sezonin 2019-2020.
Në stinorin 2020-2021 ishte prapë në Itali tek ekipi i Bergamos, derisa atë edicion e mbylli poashtu në elitën polake tek ekipi i Szczecini.
Purvis pritet të jetë vetëm i pari nga 5 basketbollistët e huaj të cilët do ta bartin fanellën verdhezi në edicionin e ri të garave.
KB Peja stërvitjet i fillojnë nga java e ardhshme e në fundjavë, ku pritet që në Pejë do të zbarkoj edhe trajneri turk Can Sevim./Tëvë1/
