Një person i kërkuar me urdhëresë të gjykatës është arrestuar të enjten në mëngjes nga Policia e Kosovës në Han të Elezit.
Sipas informacioneve, personi me inicialet F.C. ishte i kërkuar për veprën penale “Vjedhje e pyllit” dhe kishte urdhëresë gjykate për vuajtjen e dënimit me 60 ditë burgim.
Megjithatë, pas arrestimit, ai e ka shlyer dënimin përmes pagesës prej 1 mijë e 200 eurosh, në përputhje me mundësinë e paraparë nga gjykata, pas së cilës është liruar.
“Sot, rreth orës 11:20 policia në Han të Elezit ka arrestuar një person të kërkuar me urdhëresë të gjykatës, për veprën penale “Vjedhje e pyllit”.
Personi me inicialet F.C kishte urdhëresë gjykate për vuajtjen e dënimit me 60 ditë burgim, mirëpo pas arrestimit ai e ka shlyer përmes pagesës prej 1,200 eurove, në përputhje me mundësinë e paraparë nga gjykata dhe më pas është liruar”, thuhet në njoftim./teve1.info/
