“Vendosja e barrikadave dhe veprimet e paligjshme në veri të vendit janë të papranueshme.Qeveria e Kosovës duhet të sigurojë liri të lëvizjes dhe respektim të ligjit në çdo cep të vendit tonë. Në mungesë të informatave zyrtare nga ana e qeverisë, inkurajoj institucionet tona të sigurisë që të jenë në shërbim të ruajtjes së rendit publik dhe sovranitetit në veri të vendit”, ka shkruar Krasniqi.
Tutje ai ka thënë se këto veprime duhet të kordiohen edhe me partnerët ndërkomëtarë, teksa i ka ftuar që të monitorojnë situatën në veri dhe ti denoncojnë provokimet dhe veprimet e paligjshme të strukturave kriminale.
“Këto veprime duhet të koordinohen edhe me partnerët ndërkombëtarë, të cilët i ftoj që t’i monitorojnë dhe denoncojnë provokimet dhe veprimet e paligjshme të strukturave kriminale në veri të vendit, që qartësisht janë të sinkronizuara me Beogradin zyrtar”, ka shkruar Krasniqi.
Kreu i PDK-së ka ftuar qytetarët e komunitetit serb që të mos manipulohen nga politika destruktive e Serbisë, që sipas tij ka synim destabilizimin e Kosovës.
“Ftoj qytetarët e komunitetit serb që të mos lejojnë të manipulohen nga politika destruktive e Serbisë që ka synim destabilizimin e vendit tonë. Të gjithë duhet të punojnë për mbarëvajtjen e rendit, qetësisë dhe sigurisë për qytetarët, duke garantuar lëvizjen e lirë për të gjithë.”, shtoi ai./teve1.info/
