Berisha në një konferencë për media ka thënë se “meshqit” e kryeministrit Albin Kurti po e shkelin ligjin, duke aluduar në katër kontrata publike kornizë të nënshkruara nga Ministria e Infrastrukturës për siç thuhet mirëmbajtje të autostradave, në këtë rast për autostradat “Arbën Xhaferi” dhe “Ibrahim Rugova”.
Ai ka thënë se vlera e këtyre kontratave të dyshimta për korrupsion është mbi 400 mijë euro.
Por, Durmishi i ka mohuar këto akuza duke thënë se kontratat që ka përmendur Berisha kanë vlerën e 12 milionë eurove.
“Ja kish dhënë dikush do letra Bekë Berishës e ky i shkreti nuk dinte as me i lexu. Nuk i kam nënshkrua katër kontrata në vlerë rreth 400 mijë euro o Bekë Berisha sepse me ligj zv. Ministri nuk nënshkruan kontrata nën vlerën 500 mijë euro. Ato katër kontrata që po i përmend ti e kanë vlerën 12 milionë euro”, ka shkruar ai në Facebook.
Tutje, ka thënë se Ministria e Infrastrukturës kishte të planifikuara 16.5 milionë euro për mirëmbajtjen e autoudhëve dhe më pas ka arritur që të nënshkruajë kontrata për vetëm 12 milionë euro, çka sipas tij do të duhej të ishte lajmi.
“Ky do të duhej të ishte lajmi në fakt. Nuk ka me vjedhë më Bekë. Boll keni vjedhë Bekë Berisha”, ka thënë Durmishi./kp
