Janë flamuri shqiptar dhe ai maqedonas që valëviten në ballkonin e saj.
Ky objekt është “Muzeu i Alfabetit të Gjuhës Shqipe” në qytetin e Manastirit, në Maqedoninë e Veriut.
Më 22 nëntor 2026, u shënua 118-vjetori i Kongresit të Manastirit dhe i njësimit të alfabetit të gjuhës shqipe.
Për këtë arsye dhe për të përuruar renovimet në këtë shtëpi, erdhi edhe kryeministri shqiptar, Edi Rama.
Pak para arritjes së tij te shtëpia muze, një numër qytetarësh dolën ta shihnin nga larg.
Rreth orës 14:30, ai u prit nga përfaqësues shqiptarë të politikës maqedonase.
Rama hyri aty, por mediat nuk u lejuan.
Sigurimi mbylli derën.
Pas 15 minutash, Rama përfundoi vizitën, por përsëri nuk u deklarua para mediave.
Para tyre doli kryetari i Kuvendit të Maqedonisë së Veriut, Afrim Gashi
“Falënderojmë Ramën për vizitën… dhe për bashkëpunimin për shtëpinë muze”, tha ai ndwr tw tjera.
Pas kësaj, në shtëpinë muze të alfabetit shqip pati goxha vizitorë, të cilët ishin të lumtur për rinovimet në këtë shtëpi dhe patën një dëshirë.
“Mirë shumë që kemi këto investime… Shpresojmë në një kryeministër shqiptar në të gjitha trojet”, tha njw qytetar.
Ndërkaq, lidhur me rëndësinë dhe investimet që janë bërë në këtë shtëpi, foli edhe drejtori i muzeut.
Nga aty, kryeministri shqiptar, Edi Rama, pati bashkëbisedim me studentët në Shtëpinë e Evropës, këtu në qytetin e Manastirit. As këtu nuk u lejuan mediat.
Rama rreth orës 16:30, përfundoi vizitën në Maqedoninë e Veriut.






