Çitaku përmes një postimi në Facebook, ka shkruar se gjatë kësaj ceremonie të marrëveshjes, Kurti ka thumbuar opozitën.
“Në ceremoninë për nënshkrimin e marrëveshjes me MCC, marrëveshje për të cilën kjo qeveri nuk ka asnjë meritë, në fakt vetëm e ka devijuar procesin nga gazsjellësi në bateri, Kryeministri Kurti paska zgjedhur të thumbojë opozitën”, ka shkruar Çitaku.
Gjithashtu, ajo ka shkruar se marrëveshja është dashur të nënshkruhet në emër të Kosovës e jo në emër të VV-së.
“Po ju them, me kompetencë, nikoqirët e ceremonisë i keni vu në siklet. Kryeministër, në SHBA e përfaqëson Kosovën, jo VV-në. Kur nënshkruan marrëveshje nënshkruan në emër të Kosovës, jo në emër të partisë. Koncepti parti-shtet është fundosur në Evropë, falë SHBA-së”, ka shkruar tutje.
Është nënshkruar marrëveshja mes Kosovës dhe Korporatës së Sfidave të Mijëvjeçarit (MCC) për energji.
Programi Kompakt do të jetë investimi më i madh në sektorin e energjisë në Republikën e Kosovës, në vlerë prej 236.7 milionë dollarëve.
