Shkas për këtë u bë anulimi i konkursit për drejtorë të shkollave.
Kryetari i Komunës së Vushtrrisë, Ferit Idrizi në një prononcim për Tëvë1 e cilëson veprimin e LVV-së si formë të shprehjes demokratike, por thotë se anulimi i konkursit është bërë pas konstatimit të shkeljeve gjatë procedurave.
“Ne e kemi anuluar konkursin për drejtorë sepse janë konstatuar shkelje gjatë procedurave, subjektivizëm e nepotizëm, gjë qe ka mjaftuar për ta marr vendimin për ta anuluar këtë konkurs. E kam pasë edhe kërkesën nga drejtoresha e arsimit. Bazuar në atë dhe këto që i përmenda është marrë edhe vendimi. Por, është formë demokratike. Nuk ka asgjë të keqe. Ata pretendojnë se kam bërë shkelje dhe do të merret prokuroria me mua, ndërsa unë pretendoj që kam vepruar drejt”, tha ai.
Kurse, asamblisti i LVV-së Refik Maloku thotë se i mbetet gjykatës që ta jep verdiktin përfundimtar.
“Ne do të presim vendimin e gjykatës, prandaj nuk po predikojmë as nuk po paragjykojmë. Do të ndërmarrim hapa konform vendimit të gjykatës”, tha ai.
Veprimin e asamblistëve të VV-së, e shohin si tentim për protagonizëm asamblistët e LDK-së.
“Ne mendojmë se anulimi i konkursit nga ana e kryetarit në atë mënyrë ka qenë në kundërshtim me dispozitat ligjore dhe ne për këtë arsye ne si anëtarë të kuvendit dhe si opozitë e përbashkët së bashku me LVV kemi thirr seancë të jashtëzakonshme por që nuk është mbajt sepse ka munguar kurumi i mjaftueshem, e shohim një LVV që po ndërmerr hapa të tillë por këtu po shohim tentim për protagonizëm dhe asgjë tjetër veq se një politik populliste e tyre”, tha Adnan Lahu, shef i Grupit të anëtarëve të LDK-së në Vushtrri.
Asamblistë të Lëvizjes Vetëvendosje thonë se kanë kërkuar që të diskutohet dhe të sqarohet anulimi i konkursit për drejtorë shkollash, por për tri herë radhazi ka refuzuar kryetari, Ferit Idrizi./Tëvë1/
Kronika e realizuar nga Lendrina Kodrolli
