Armando Sadiku e ka mbyllur me futbollin e luajtur. Ish-sulmuesi i Kombëtares e konfirmoi vendimin përfundimtar në moshën 35-vjeçare.
Sadiku do të vazhdojë si drejtor sportiv te Bellinzona. Vetë klubi i Zvicrës e publikoi njoftimin tri ditë më parë.
Ish-sulmuesi ka ndarë ndërkohë një video emocionuese. “Faleminderit, futboll. Do të më mungosh”, shkruan Sadiku.
Te Kombëtarja është edhe një nga golashënuesit më të mirë në histori. Në karrierën e tij luajti 38 ndeshje dhe shënoi 12 gola, duke pasur një mesatare më të mirë krahasuar me të tjerët.
Sadiku kujtohet edhe për një gol historik të Shqipërisë në Europian. Ishte viti 2016, kur i dha fitoren Kombëtares kundër Rumanisë.
