Policia e Kosovës ka njoftuar se më 21 dhe 22 tetor 2026 do të ketë ndërprerje të përkohshme të qarkullimit në disa segmente rrugore, për shkak të kalimit transit në Kosovë të kryeministrit të Maqedonisë së Veriut, Hristijan Mickoski.
Sipas Policisë, gjatë lëvizjes së eskortës së kryeministrit do të zbatohen masa të veçanta të sigurisë dhe do të bëhet menaxhimi i trafikut, me qëllim të mundësimit të lëvizjes së eskortës sipas itinerarit të përcaktuar.
Ndërprerjet e përkohshme mund të përfshijnë segmente rrugore nga hyrja në Kosovë përmes pikës kufitare në Han të Elezit deri në dalje në Vërmicë. Sipas njoftimit, kufizimet do të bëhen sipas nevojës dhe vetëm për intervale të shkurtra kohore.
Policia e Kosovës u ka bërë thirrje qytetarëve dhe pjesëmarrësve në trafik që të tregojnë mirëkuptim dhe të respektojnë udhëzimet e zyrtarëve policorë gjatë zbatimit të këtyre masave./teve1.info/
