Shpeshherë qytetarët, nuk pranojnë kusur prej 1 ose 2 cent gjatë furnizimit në markete. Për këtë, drejtoria e Inspekcionit në Mitrovicë, ka marr vendim për një inspektim më të ashpër drejt bizneseve që i shmangen një obligimi të tillë.
“Ne se drejtori e inspekcionit vetëm po e zbatojmë ligjin për mbrojtjen e konsumtorit mund të jetë risi në kuptimin e njoftimit qytetar per vetë faktin se njerëzit nuk janë gjithë të thirrur t’a njohin rregullativin ligjor, ne si institucion e kemi për obligim t’a mbrojmë interesin e konsumatorëve për aq sa e kemi autorizimin ligjor”, ka thënë Valon Brahimi – drejtor i Inspekcionit në Mitrovicë.
Këtë vendim qytetarët e kësaj komune e shohin si të drejtë.
“Vendimi është shumë i drejtë sepse gjithçka është reciproke sepse në qoftë se hyn në market dhe klientin se shërben ashtu siq do ai nuk do të jetë i kënaqur, nëse unë nuk do të kem të ia jap 1 ose 2 cent nuk do të shërbejn për shërbimin që unë dua, prandaj vendimi është shumë i qartë”, deklaroi Zana Meraja, qytetare.
“Mirë është me ia kthy, vendim i mirë sepse ato janë paret e popullit”, thotë Feriz Ferizi.
Megjithatë pati edhe prej atyre që i mirëkuptojnë bizneset që nuk kanë 1 apo 2 cent për kusur.
“Kur kanë duhet më i kthy kur nuk kanë, nuk kanë qka me bo as ata nuk munden konsumtarort me prit për 1 cent”, tha Remzi Hoti, qytetar.
Ndryshe, nga drejtoria e Inspekcionit shtuan se në qoftë se nuk respektohet vendimi, bizneset do të ballafaqohen me fuqinë e ligjit.
Nga ana tjetër edhe Banka Qendrore e Kosovës ka njoftuar se bizneset janë mjaftueshëm të furnizuara me monedhat 1 e 2 cent.
Kronikë e realizuar nga gazetarja Lendrinë Kodrolli.