Oda Ekonomike Amerikane në Kosovë ka mirëpritur kompletimin e arkitekturës institucionale të Republikës së Kosovës, pas zgjedhjes së Justina Shiroka-Pulës presidente të vendit.
Në një reagim, Oda Amerikane ka vlerësuar se me institucionet e Kosovës tashmë të konstituuara, fokusi duhet të zhvendoset fuqishëm te prioritetet ekonomike dhe strategjike të vendit.
“Me institucionet e Kosovës tashmë plotësisht të konstituuara, fokusi duhet të drejtohet fuqishëm drejt prioriteteve ekonomike dhe strategjike të vendit”, thuhet në reagimin e Odës Amerikane.
Oda ka bërë thirrje për një dinamikë të re në reformat e qeverisjes ekonomike, përmirësimin e mjedisit për të bërit biznes dhe investime, si dhe fuqizimin e sundimit të ligjit.
Po ashtu, Oda Amerikane ka kërkuar ndërmarrjen e masave që rrisin konkurrueshmërinë dhe krijojnë kushte për një rritje të qëndrueshme ekonomike.
“Prioritet duhet të jetë përmirësimi i mjedisit të të bërit biznes dhe investimeve, fuqizimi i sundimit të ligjit dhe ndërmarrja e masave që rrisin konkurrueshmërinë dhe mundësojnë rritje të qëndrueshme ekonomike”, thuhet në reagim.
