Ambasadori i Gjermanisë në Kosovë, Rainer Rudolph, në përvjetorin e Bashkimit të Gjermanisë, ka thënë se ata festojnë më shumë se sa ribashkimin e Gjermanisë, ata festojnë ‘’rrugëtimin nga ndarja drejt bashkimit, nga dy ish-forca të armatosura gjermane drejt një Bundeswehri të bashkuar dhe nga një Evropë e ndarë drejt një Bashkimi të mbështetur në bashkëpunim dhe paqe’’.
Rudolhp, ka thënë edhe se, në Kosovë, kjo histori ka një kuptim të veçantë. Që nga viti 1999, trupat gjermane kanë shërbyer vazhdimisht në kuadër të KFOR-it, së bashku me aleatët dhe partnerët tanë, duke kontribuar në paqen, stabilitetin dhe sigurinë në Ballkanin Perëndimor.
“Sot, ne festojmë më shumë sesa ribashkimin e Gjermanisë. Festojmë rrugëtimin nga ndarja drejt bashkimit, nga dy ish-forca të armatosura gjermane drejt një Bundeswehri të bashkuar dhe nga një Evropë e ndarë drejt një Bashkimi të mbështetur në bashkëpunim dhe paqe. Këtu në Kosovë, kjo histori ka një kuptim të veçantë. Që nga viti 1999, trupat gjermane kanë shërbyer vazhdimisht në kuadër të KFOR-it, së bashku me aleatët dhe partnerët tanë, duke kontribuar në paqen, stabilitetin dhe sigurinë në Ballkanin Perëndimor. Angazhimi i Gjermanisë ndaj Evropës vazhdon – i ndërtuar mbi unitetin, partneritetin dhe përgjegjësinë. Sot, nderojmë këtë histori, vlerësojmë përkushtimin e pjesëtarëve tanë të shërbimit dhe shikojmë me besim drejt së ardhmes sonë të përbashkët evropiane. Gëzuar Ditën e Bashkimit të Gjermanisë!”, shkruan ambasada e Gjermanisë në Kosovë.
