Karabinierët italianë që shërbejnë në Njësinë e Specializuar Shumëkombëshe (MSU), pjesë e misionit të Forcës së Kosovës (KFOR) të udhëhequr nga NATO-ja, kryejnë rregullisht patrullime në Mitrovicë për të ndihmuar në ruajtjen e një mjedisi të sigurt dhe të qetë, njoftoi KFOR-i.
“Këto aktivitete i mundësojnë KFOR-it të ruajë një prani të dukshme dhe të vazhdueshme në të gjithë rajonin, duke u lejuar njësive të tij të kenë një pasqyrë të situatës dhe të monitorojnë gjendjen e sigurisë në terren.
Përpjekje të tilla pasqyrojnë angazhimin e vazhdueshëm të KFOR-it për të kontribuar në sigurinë dhe stabilitetin, duke mbështetur njëkohësisht lirinë e lëvizjes për të gjithë njerëzit që jetojnë në Kosovë, në mënyrë transparente dhe të paanshme.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në krijimin e një mjedisi të sigurt dhe të qetë për të gjithë njerëzit që jetojnë në Kosovë dhe për garantimin e lirisë së lëvizjes; në çdo kohë, në mënyrë të paanshme dhe në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si aktorë të reagimit në fushën e sigurisë”, thuhet në njoftimin e KFOR-it.
