Kombëtarja e Austrisë është duke zhvilluar aktualisht stërvitjen zyrtare në stadiumin “Fadil Vokrri” në Prishtinë, në prag të ndeshjes ndaj Kosovës.
Austriakët po përgatitet për ndeshjen e radhës ndaj Kosovës në kuadër të Ligës së Kombeve, e cila do të zhvillohet të dielën në Prishtinë. Të dyja skuadrat vijnë pas ndeshjeve të fundit të zhvilluara më 1 tetor. Kosova barazoi pa gola me Izraelin, ndërsa Austria luajti 2-2 me Irlandën.
Në duelin e parë mes dy përfaqësueseve, Austria triumfoi 3-1, ndërsa tani ndeshja e kthimit do të zhvillohet në stadiumin “Fadil Vokrri”.
Për Austrinë, stërvitja në stadiumin ku do të zhvillohet ndeshja shërben si përgatitja e fundit para përballjes me “Dardanët”, ndërsa pritet të mbahet edhe konferenca për media e përzgjedhësit dhe njërit prej futbollistëve të Austrisë.
Ndeshja Kosovë–Austri zhvillohet të dielën në stadiumin “Fadil Vokrri”.
