Profesori universitar dhe analisti politik, Sadri Ramabaja, vlerëson se presidenti i ardhshëm i Kosovës, duhet të emërohet nga krahu i luftës.
Ai preferon që ai të jetë nga Lëvizja Popullore e Kosovës.
“Në këtë situatë, preferoj një president nga spektri i luftës, respektivisht nga Lëvizja Popullore e Kosovës. Në këtë rast mund të korrigjohen edhe gabimet që janë bërë në Gjykatën Speciale”, ka thënë Sadri Ramabaja në emisionin “InfoNata” në Tëvë1.
Sipas tij, Ramush Haradinaj nuk është një president konsensual.
“Ai vjen nga një parti politike dhe nuk është konsnsual. Nuk mendoj se do të ishte adekuat”, vlerësoi Ramabaja.
Deputeti i Lidhjes Demokratike të Kosovës, Avdullah Hoti gjatë ditës së sotme, ka reaguar pas shkarkimit të Blerim Isufajt nga pozita e Kryeprokurorit të Prokurorisë Speciale të Kosovës.
Hoti ka thënë se Isufaj po largohet nga detyra ‘’ pikërisht kur Prokuroria po merret me dosje tejet të ndjeshme që lidhen me Qeverinë.
Ramabaja vlerësoi se Hoti është politikan i dështuar.
“Hoti është politikani më i dështuar në Kosovë. Ai nuk kupton nga politika. Mbetet një politikan që propozon ndonjë ide”, deklaroi ndër të tjera, Sadri Ramabaja.
