Protesta që po mbahet në Prishtinë do të zhvillohet nga sonte në orën 19:00, në sheshin “Skënderbeu”.
Lajmin për ndryshimin e orarit e ka bërë të ditur Çlirim Haziri, përmes një njoftimi në rrjetet sociale.
Haziri ka njoftuar se protesta e sontme do të jetë nata e 17-të radhazi që qytetarët mblidhen në shesh, ndërsa ka theksuar se nga sonte ndryshon edhe ora e mbajtjes së saj.
“Sonte, për të 17-tën natë me radhë, takohemi përsëri në Sheshin ‘Skënderbeu’.
Kujdes – nga sonte ndryshon orari!
Ora 19:00.
Sheshi ‘Skënderbeu’.
17 net rresht.
Për UÇK-në. Për drejtësi.
Shihemi sonte në ora 19:00”, ka shkruar Haziri.
