Tre persona, dy burra nga Kosova dhe një grua shtetase e Shqipërisë, janë arrestuar të mërkurën mbrëma në Pejë, nën dyshimin për blerje, shpërndarje dhe shitje të paautorizuar të narkotikëve.
Policia ka njoftuar se gjatë kontrollit të veturës me të cilën po udhëtonin të dyshuarit, në bagazh është gjetur dhe konfiskuar rreth një kilogram substancë e dyshuar narkotike e llojit marihuanë.
Përveç substancës narkotike, policia ka konfiskuar edhe para të gatshme, tre telefona celularë, dy thika, si dhe veturën me të cilën po udhëtonin të dyshuarit.
Me vendim të prokurorit, të tre personat janë dërguar në mbajtje.
“*Pejë / 30.09.2026 – 23:35. **Janë arrestuar tre të dyshuar dy meshkuj kosovarë dhe një femër shtetas e Shqipërisë pasi njësitë relevante policore në bagazhin e veturës së dyshuar, në të cilën kanë qenë duke udhëtuar, kanë gjetur dhe konfiskuar 1 kg substancë të dyshuar narkotike e llojit marihuanë. Si prova materiale nga të dyshuarit janë gjetur dhe konfiskuar edhe para të gatshme, tre telefona celular, dy thika dhe vetura me të cilën kanë qenë. Tre të dyshuarit me vendim të prokurorit janë dërguar në mbajtje”, thuhet në raportin e Policisë.
