Presidenti i Shqipërisë, Bajram Begaj ka pritur sot ambasadorin e ri të Shteteve të Bashkuara të Amerikës në Shqipëri, Eric Wendt, me rastin e paraqitjes së Letrave Kredenciale.
Begaj i ka uruar ambasadorit Wendt sukses në misionin e tij diplomatik, duke rikonfirmuar vendosmërinë e Shqipërisë për forcimin e partneritetit strategjik me Shtetet e Bashkuara.
“Shqipëria do të vijojë të jetë plotësisht e angazhuar në thellimin e marrëdhënieve dhe në avancimin e interesave tona të përbashkëta”, ka deklaruar Begaj.
Presidenti shqiptar ka theksuar gjithashtu rëndësinë e SHBA-së për Shqipërinë, duke i cilësuar Shtetet e Bashkuara si një partner të pazëvendësueshëm për vendin, si dhe për sigurinë dhe prosperitetin e tij./teve1.info/
