Përfaqësuesja e Lartë e Bashkimit Europian për Punët e Jashtme dhe Politikën e Sigurisë, Kaja Kallas i mblodhi në një drekë në Nju Jork përfaqësuesit e Ballkanit Perëndimor.
Ministri i Punëve të Jashtme i Bosnjë e Hercegovinës, Dino Konakoviq ngriti çështjen e varrimit të kriminelit serb, Kasapit të Bosnjës Ratko Mlladiq me nderime shtetërore në Serbi, në drekën ku ishin edhe kryeministri i Kosovës, Albin Kurti, ministri i Punëve të Jashtme i Shqipërisë, Ferit Hoxha, presidenti i Malit të Zi, Jakov Milatoviq e ministri i Punëve të Jashtme i Beogradit, Marko Gjuriq.
“Ministri i Punëve të Jashtme Dino Konakoviq iu bashkua partnerëve të Ballkanit Perëndimor për një drekë joformale të organizuar nga Përfaqësuesja e Lartë e BE-së për Punët e Jashtme dhe Politikën e Sigurisë dhe Zëvendëspresidentja e Komisionit Europian Kaja Kallas”, thuhet në një njoftim të MPJ-së boshnjake në X.
“Stabiliteti rajonal ishte në qendër të diskutimit. Ministri Konakoviq ngriti shqetësimet e shprehura në letrën e tij të fundit dhe në adresimin e posaçëm pas nderimeve të sponsorizuara nga shteti që iu bënë në Serbi Ratko Mlladiqit, i dënuar për gjenocid në Srebrenicë, krime kundër njerëzimit dhe krime lufte”, thuhet në njoftim.
Siç shkruan MPJ-ja e Bosnjës, “Ministri i Punëve të Jashtme Konakoviq theksoi se glorifikimi institucional i kriminelëve të luftës të dënuar nuk mund të shpërfillet në kontekstin e rrugëtimit të një vendi kandidat drejt BE-së”.
“Kjo ngre pyetje serioze lidhur me vlerat që Europa është e gatshme të mbrojë dhe standardet që ajo pret që vendet kandidate t’i respektojnë. Një proces i besueshëm i zgjerimit kërkon standarde të qarta dhe një përgjigje të qartë kur ato standarde sfidohen haptazi”, thuhet në njoftim.
🇧🇦 Foreign Minister @dinokonakovic joined Western Balkans partners for an informal lunch hosted by EU High Representative for Foreign Affairs and Security Policy and Vice-President of the European Commission @kajakallas.
Regional stability was at the heart of the discussion.… pic.twitter.com/LKgbIWHDoa
— Ministry of Foreign Affairs of BiH 🇧🇦 (@mfa_bih) September 23, 2026
