Kurti në një konferencë për media ka deklaruar se Serbia është ajo e cila nuk po i përgjigjet pozitivisht bisedimeve të cilat zhvillohen në Bruksel për çështjet e raporteve mes Kosovës dhe Serbisë, raporton Teve1.info
“Ka pasur që të ndodh në këtë javë një takim mes Kosovës dhe Serbisë në nivelin më të lartë në Bruksel mes meje dhe presidentit të Serbisë, por sërish janë ata që kanë kërkuar të shtyhet kjo gjë. Pra ata po e shtyjnë dorëzimin e listave të konsumatorëve në veri, ata po e shtyjnë takimin e radhës në Bruksel. Pra janë ata të cilët nuk po i përgjigjen pozitivisht bisedimeve të cilat zhvillohen atje për çështjet e raporteve midis neve”, tha ai.
Sipas tij, çfarëdo pretekstesh që përdoren nuk janë të vërteta, por përpjekje për t’u shfajësuar.
“Ndërkaq çfarëdo pretekstesh që përdoren nuk janë të vërteta, praktikisht janë veçse përpjekje për t’u shfajësuar në kohën, në rastin në të cilën fajësia nuk ka qenë kurrë më e qartë”, tha më tej Kurti. /teve1.info/
