Qytetarët edhe sonte prej orës 21:00 u mblodhën në Prishtinë në kundërshtim të aktgjykimit të Gjykatës Speciale, me të cilin janë dënuar katër ish-drejtuesit e UÇK-së, Hashim Thaçi, Jakup Krasniqi, Kadri Veseli e Rexhep Selimi.
Protestuesit kanë ndezur flakadan e kanë hedhur mjete piroteknike nën thirrjet “UÇK” dhe “Jo në emrin tim”.
Më herët gjatë ditës, pikërisht në orën 12:00 mijëra qytetarë kanë protestuar në sheshet e Prishtinës kundër vendimit të Gjykatës Speciale, organizuar nga Organizata e Veteranëve të Luftës të UÇK-së.
Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet, ndërsa Rexhep Selimi me 13 vjet.
Të katër u shpallën fajtorë për disa akuza për krime lufte, ndërsa u shpallën të pafajshëm për akuzat për krime kundër njerëzimit.
Në protestë po marrin pjesë edhe djali i Hashim Thaçit dhe fëmijët e Kadri Veselit, i bashkohen protestës në shesh.
Tubimet në Prishtinë kanë vazhduar për të tretën natë radhazi pas shpalljes së aktgjykimit ndaj ish-krerëve të UÇK-së.
