‘’N’ora tre kanë hi forcat serbe prej Xërxës, e kemi hi e kemi çu popullatën prej gjumit se jam kanë edhe ushtar…’’
Kështu e fillon rrëfimin për natën e kobshme të 25 marsit 1999, i mbijetuari i masakrës së Fortesës, Muharrem Popaj.
Forcat serbe i dërguan afër 70 banorë në luginën e Drinit që gjendet në këtë fshat të Rahovecit.
‘’70 vet na kanë shtri për toke…Na thanë me hi n’prru…’’, tha ai.
E njëri nga nëntë ushtarët që mori pjesë në tërheqjen dhe varrimin e trupave të pajetë, rrëfen përjetimet nga ajo ngjarje.
Ndërsa urdhëri për varrosjen e martirëve nuk ishte i lehtë as për komandantin e Batalionit të Tretë të Brigadës 124 ‘’Gani Paçarizi’’, Smajl Latifin.
Ata menduan edhe për një formë më të lehtë të identifikimit të viktimave.
E për nder të martirëve, në 24 vjetorin e Epopesë së Fortesës, u zbulua pllakë përkujtimore.
Raporti i gazetares Albiona Hajdari.
