Ministri i Jashtëm rus, Sergey Lavrov ka thënë të enjten se vendet perëndimore po përgatiten për një luftë me Rusinë, ndërsa promovojnë “mitin për një rrezik që vjen nga Rusia”.
Lavrov tha se Rusia është e aftë të përgjigjet në mënyrë adekuate ndaj sfidave të jashtme për sigurinë e saj.
“Sot, qarqet qeverisëse dhe elitat e shumicës së vendeve perëndimore janë duke promovuar një mit mbi rrezikun që vjen nga Rusia, duke u përgatitut në mënyrë aktive për një luftë ndaj vendit tonë, duke na dënuar ne, mes të tjerash, për minimin e vlerave evropiane”, tha ai në hapjen e kongresit të katërt të Lëvizjes Rusofile Ndërkombëtare në Moskë, citon Anadolu.
Ai vëri në dukje një kontrast mes zyrtarëve amerikanë dhe atyre evropianë, mbi atë se si Uashingtoni ishte i gatshëm të mbaj bisedime edhe atëherë kur të dyja palër mbanin pozicione thelbësisht të ndryshme.
Lavrovi tha se Moska është e hapur për diskutime serioze me ata që janë të gatshëm të angazhohen, dhe zyrtarët e huaj nuk duhet të vizitojnë Moskën vetëm për të përsëritur kritikat publike të vendit.
