Menjëherë pas vendimit, qytetarët nga sheshet kryesore të Prishtinës u nisën në drejtim të zyrave të Eulex-it. Aty nga një protestë paqësore filluan gjuajtjet me gurë dhe mjete të tjera, ku u thyen dritaret e këtij objekti. Protestuesit nuk e pranonin vendimin, duke brohoritur jo në emrin tim.
Rrugët u bllokuan.
Qindra qytetarë nga sheshet e Prishtinës ia mësyn rrugës për Fushë Kosovë.
E ndalesën e patën para zyrave të Eulex-it.
Me të arritur, vendosën edhe maska me figurat e katër ish-krerëve të Ushtrisë Çlirimtare të Kosovës.
Me to, filluan edhe brohoritjet.
E para tyre ishte kordoni i Policisë së Kosovës.
Këtyre ia vendosën edhe flamurin e UCK-së dhe atë kombëtar.
Thirrjet i vazhduan edhe në drejtim të zyrtarëve policorë. “POLICIA ËSHTË E JONA”.
E për vendimin, me zë të lartë thanë se nuk është në emrin e popullit të Kosovës. “JO NË EMRIN TIM, JO NË EMRIN TIM”.
Qytetarët treguan se për çfarë po protestojnë.
Por kaq paqësisht, nuk vazhdoi protesta qytetare.
Fillimisht i bllokuan rrugët me vetura.
Në to, i vendosën fotografitë e Hashim Thacit, Kadri Veselit, Jakup Krasniqit dhe Rexhep Selimit.
Në drejtim të objektit, filluan gjuajtjet me mjete të forta.
Si shkak i tyre, u thyen dritaret e këtij institucioni.
