Qytetarë të shumtë janë mbledhur në sheshin e Prishtinës për të ndjekur drejtpërdrejt seancën e Gjykatës Speciale në Hagë.
Për qytetarët është vendosur një ekran i madh, përmes të cilit po përcillen zhvillimet nga seanca ku sot pritet të shpallet aktgjykimi ndaj ish-krerëve të Ushtrisë Çlirimtare të Kosovës.
Në shesh vërehet një numër i madh qytetarësh, të cilët po e ndjekin me vëmendje transmetimin e seancës, në kuadër të procesit gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.
