Kryetarja e Kuvendit të Kosovës, Albulena Haxhiu ka pritur letrat kredenciale të ambasadores së re të Mbretërisë së Holandës në Republikën e Kosovës, Astrid de Vries.
Haxhiu i ka uruar ambasadores de Vries mirëseardhje në Kosovë dhe sukses në misionin e saj të ri diplomatik.
Në takim është diskutuar për marrëdhëniet ndërmjet Kosovës dhe Holandës, të cilat Haxhiu i ka cilësuar si të shkëlqyera dhe të ndërtuara mbi besim dhe bashkëpunim ndër vite.
“Hollanda ka qenë pranë Kosovës në etapa të rëndësishme të rrugëtimit tonë dhe vazhdon ta mbështesë fuqishëm të ardhmen tonë evropiane dhe euroatlantike”, ka thënë Haxhiu.
Sipas saj, me ambasadoren e re janë diskutuar mundësitë për zgjerimin e mëtejshëm të bashkëpunimit në fusha me interes të përbashkët, përfshirë ekonominë, arsimin, kulturën dhe sigurinë.
Haxhiu i ka uruar ambasadores de Vries suksese në detyrën e re, duke e siguruar atë për bashkëpunimin e plotë në funksion të thellimit të mëtejshëm të marrëdhënieve ndërmjet Kosovës dhe Holandës.
