“LVV e ka bërë kompromisin e fundit për konstituimin e Kuvendit”, Arbër Rexhaj flet para nisjes së seancës
Deputeti i LVV-së, Arbër Rexhaj tha se partia e tij e ka bërë kompromisin e fundit për konstituimin e Kuvendit të Kosovës.
Rexhaj tha se kryeministri në detyrë, Albin Kurti tenton vazhdimisht komunikimin me liderët e partive tjera parlamentare.
“Dje ka pasur një mbledhje të kryesisë, megjithatë mendoj që LVV e ka bërë kompromisin e fundit në kuptimin që të vijnë ata, t’i propozojnë emrat dhe të ecim përpara. Kurti përherë po iu dërgon mesazhe, çdoherë ka tentim për të komunikuar qoftë me PDK-në, LDK-në dhe Aleancën”, tha Rexhaj.
