Duket se e ardhmja rreth Robert Lewandowskit më në fund ka përfunduar, raporton eksperti i njohur i transferimeve Fabrizio Romano.
Romano prej ditësh ka ndjekur zhvillimin e së ardhmes së Lewandowskit, i cili në fund të sezonit të kaluar deklaroi se dëshiron të largohet nga Bayerni dhe ekipi më i interesuar ishte Barcelona, ku polaki do të vazhdojë karrierën.
Pas negociatave të gjata, Blaugranët dhe Bavarezët kanë rënë dakord për dëmshpërblimin, i cili do të arrijë në 50 milionë euro me bonuse.
Siç raporton Romano, të shtunën ose të dielën pritet njoftimi zyrtar i transferimit të një prej sulmuesve më të mirë te Barcelona.
Lewandowski shënoi 344 gola në 375 ndeshje gjatë tetë sezoneve të fundit në fanellën e Bayernit. Në dy sezonet e fundit, ai ishte golashënuesi më i mirë në Evropë dhe fituesi i Këpucës së Artë, dhe FIFA e shpalli atë lojtarin më të mirë në botë për dy sezonet e fundit.
Qendërsulmuesi së bashku me Bayernin kishte fituar: një Champions League, tetë here kampionë të Gjermanisë, tre kupa të Gjermanisë dhe pesë here Superkupen e Gjermanisë.
