Ministria e Bujqësisë, Pylltarisë dhe Zhvillimit Rural ka njoftuar se Bekim Hoxha është transferuar përkohësisht nga pozita e Drejtorit Ekzekutiv në Agjencinë e Ushqimit dhe Veterinarisë (AUV) në pozitën e Drejtorit Ekzekutiv të Agjencisë Pyjore të Kosovës.
Sipas njoftimit të ministrisë, transferimi do të zgjasë për një periudhë njëmujore dhe është bërë në interes të institucionit, me qëllim të sigurimit të funksionimit të rregullt të Agjencisë Pyjore të Kosovës.
Vendimi për transferimin e Hoxhës është nxjerrë nga ministri në detyrë i MBPZhR-së, Armend Muja./teve1.info/
