Dy persona, njëri prej tyre i mitur, janë raportuar të zhdukur në Kosovë gjatë 24 orëve të fundit, ka njoftuar Policia e Kosovës.
Njëri rast është raportuar në fshatin Sfeçël të Podujevës, ku një burrë ka njoftuar policinë se djali i tij i mitur është larguar nga shtëpia më 25 gusht dhe që atëherë nuk dihet vendndodhja e tij.
“Ankuesi mashkull kosovar ka raportuar se djali i tij i mitur, viktima mashkull kosovar, është larguar nga shtëpia dhe nuk dihet vendndodhja e tij. Rasti nën hetime”, thuhet në raportin 24-orësh të Policisë.
Rasti tjetër është raportuar në Ferizaj, ku një grua ka njoftuar policinë se prindi i saj është larguar nga shtëpia më 19 gusht dhe ende nuk dihet vendndodhja e tij.
“Ankuesja femër kosovare ka raportuar se prindi i saj është larguar nga shtëpia dhe nuk dihet vendndodhja e tij. Rasti nën hetime”, thuhet në raportin 24-orësh të Policisë.
Policia e Kosovës ka bërë të ditur se të dy rastet janë duke u hetuar./teve1.info/
