Një thirrje pas mesnate i solli në rrugën “Rifat Ukimeri”.
Në orët e para të së mërkurës, policia në Prizren u panë në vendngjarje.
Në shtëpinë e saj, një 80-vjeçare mbeti e vdekur.
Plagët vdekjeprurëse dyshohet se i erdhën nga bashkëshorti i saj, 81-vjeçar.
Jo me armë zjarri e ndonjë mjet, por nga dhuna e ushtruar ndaj saj.
Sipas Policisë, në momentin e kryerjes së aktit, në shtëpi ishin vetëm dorasi dhe viktima.
Siç merr vesh televizioni, i dyshuari fillimisht tentoi ta paraqiste rastin si vdekje aksidentale.
Por sipas burimeve, provat e thanë të kundërtën.
Tashmë ndaj tij është caktuar masa e ndalimit prej 48 orësh.
“Bazuar në të dhënat fillestare të hetimit, i dyshuari, B.D., dyshohet se ka privuar nga jeta gruan e tij, duke ushtruar dhunë fizike, dhe se rasti ka ndodhur brenda familjes. Me vendim të prokurorit të shtetit, i dyshuari B.D., është ndaluar për 48 orë, për shkak të dyshimit të bazuar se ka kryer veprën penale ‘Vrasja e rëndë’”, thuhet nga Prokuroria Themelore në Prizren.
Gjatë ditës, trupi i viktimës u dërgua për obduksion në Institutin e Mjekësisë Ligjore.
Kurse ndaj të dyshuarit, Prokuroria njoftoi se do të kërkojnë masën e paraburgimit prej një muaji.
