Përmbytjet masive të menjëhershme në Nepal të mërkurën vranë të paktën 22 persona dhe lanë qindra turistë, punëtorë dhe të tjerë të zhdukur, ndërsa shkaktuan dëme të mëdha në fshatra dhe infrastrukturë.
Zyrtarët thanë se 384 turistë, përfshirë 291 nga vende si India, Shtetet e Bashkuara, Mbretëria e Bashkuar dhe Malajzia, u raportuan të zhdukur.
Lumi Bhotekoshi u përmbyt rreth orës 9 të mëngjesit sipas orës lokale të mërkurën, duke shkatërruar disa fshatra, rrugë dhe projekte hidroelektrike, thanë zyrtarët, shkruan AP.
“Ne i kemi kërkuar si Indisë ashtu edhe Kinës të na ndihmojnë me përpjekjet e shpëtimit”, tha Sasmit Pokharel, një zëdhënës i qeverisë nepaleze.
Dhjetëra ndërtesa shumëkatëshe, kamionë dhe furgonë u varrosën nën sasi të mëdha balte në distriktin e Nuwakot, një nga zonat më të prekura.
Zyrtarët paralajmëruan banorët në disa prej distrikteve të Nepalit dhe u kërkuan atyre të qëndronin larg brigjeve të lumenjve Bhotekoshi, Trishuli dhe Narayani.
