Ministri i Jashtëm sirian, Asaad al-Shaibani, tha se negociatat me Izraelin mbi një marrëveshje sigurie mbeten të ngrira dhe ende nuk është caktuar një datë për rifillimin e tyre.
“Ne nuk i besojmë Izraelit aktualisht”, tha al-Shaibani për Reuters, duke shtuar se kontakti midis dy palëve u ndërpre pasi Izraeli bombardoi bazën ajrore Abu al-Duhur të Sirisë javën e kaluar.
Ai tha se Damasku pret që negociatat të rifillojnë së shpejti dhe se Uashingtoni “po përpiqet vazhdimisht të ushtrojë presion mbi Izraelin që të kthehet në tryezën e dialogut”.
Al-Shaibani akuzoi Izraelin se është mbështetur pa sukses në forcën ushtarake.
“Izraeli është përpjekur të ruajë sigurinë e tij përmes forcës brutale dhe nuk ka pasur sukses. Siria po e shtrin dorën për mirëkuptim, për paqe, për diplomaci.”
